ఆంగ్ల మాధ్యమం-ప్రభుత్వాల ప్రలోభం

వేగంగా అంతరించబోతున్న 200 భాషలను ఐక్యరాజ్యసమితి గుర్తించింది. అందులో తెలుగు, మరిన్ని స్థానిక భాషలు ఉన్నాయి.

- వేగంగా అంతరించబోతున్న 200 భాషలను ఐక్యరాజ్యసమితి గుర్తించింది. అందులో తెలుగు, మరిన్ని స్థానిక భాషలు ఉన్నాయి.

వేగంగా అంతరించబోతున్న 200 భాషలను ఐక్యరాజ్యసమితి గుర్తించింది. అందులో తెలుగు, మరిన్ని స్థానిక భాషలు ఉన్నాయి. ప్రపంచంలో ఏ దేశంలోనూ లేని విధంగా, ఆంగ్లాన్ని, కార్పొరేట్ విద్యాసంస్థలకు అనుగుణంగా ప్రభుత్వం ప్రోత్సహిస్తోంది. ప్రస్తుత పరిస్థితులలో నూతన విద్యా విధానం అమలు పేరిట కేంద్ర, రాష్ట్ర ప్రభుత్వాలు నేరుగా ఆంగ్ల మాధ్యమం, సిబిఎస్ఐ సిలబస్లను ప్రవేశపెట్టింది.

నేడు మాతృభాషలు సంక్షోభంలో చిక్కుకున్న అంశం, యింకా నిర్వీర్యం చేస్తుంది. మాతృభాషల రక్షణతోనే విద్యాభివృద్ధి సాధ్యమని ప్రభుత్వం గుర్తించాలి. వివిధ కులాలు, జాతులు, ఆర్థిక తారతమ్యాలు, నిరక్షరాస్యులు, పేదలు వివిధ వెనుకబడిన ప్రాంతాలు సర్వతోముఖాభివృద్ధి సాధించే దశకు చేరాలంటే, మాతృభాషలో విద్యాబోధన మరింత అవసరం. విద్యాబోధన మాతృభాషలో సులభం, సహజం, ఖర్చు తక్కువ.

స్వేచ్ఛగా భావాలను, అభిప్రాయాలు పంచుకోవచ్చు. ఉద్యోగ, ఉపాధి అవకాశాలు ఎక్కువ. భాష గుత్తాధిపత్యం ఉండదు. ప్రాంతీయ ఐక్యత ద్వారా సామాజిక ఐక్యత పెంపొందించబడుతుంది. భాషా వినియోగం, వికాసం గుర్తించి రాజ్యాంగంలో 344 నుంచి 347 వరకు గల అధికరణాలు మాతృభాషల రక్షణ, వినియోగం, సామాజిక అవసరం ప్రాధాన్యత వివరించాయి. పైగా ఆంగ్ల మాధ్యమ బోధనలో స్వభావంలోనే సామాజిక విభజన ఉంది.

రాష్ట్రాలలో గిరిజన, నిరుపేద వర్గాల విద్యార్థులు చదువుకు మరింత దూరం అయ్యే దుస్థితి పొంచి వుంది.