అమ్మతనం కాపాడేందుకు ఆరాటం..

సృష్టిలో ప్రతి ప్రాణికీ జన్మప్రదాత 'అమ్మ'. ప్రసవ వేదన పడేది అమ్మ.

- - యేచన్ చంద్ర శేఖర్

సృష్టిలో ప్రతి ప్రాణికీ జన్మప్రదాత 'అమ్మ'. ప్రసవ వేదన పడేది అమ్మ. ప్రాణ ప్రతిష్ట పోసేది అమ్మ. ప్రతి జీవితంలో 'మాతృత్వం' అనేది ఒక దివ్య మధురానుభూతి. పెళ్లైన ప్రతి జంట కాలానుగుణంగా తల్లిదండ్రులు కావాలని కలలు కనడం సర్వసాధారణం. అయితే, మారిన జీవనశైలి, ఉరుకులు పరుగుల పోటీ జీవితంలో మానసిక వత్తిడి, పర్యావరణ కాలుష్యం లాంటి కారణాలతో కొంత మంది జంటల ఈ కల అంత సులభంగా సాకారం కావడం లేదు.

ఇటీవలి కాలంలో వంధ్యత్వ శాతంలో పెరుగుదల, గర్భధారణను ఆలస్యం చేస్తున్న జంటల సంఖ్య పెరుగుదల, పెరుగుతున్న అవగాహన కారణంగా ఇన్ విట్రో ఫెర్టిలైజేషన్ (ఐవిఎఫ్), ఇతర సహాయక పునరుత్పత్తి సాంకేతికతలకు (ఏ ఆర్ టి) డిమాండ్ పెరుగుతోంది. కాగా, భారతదేశంలో వంధ్యత్వ సమస్యతో బాధపడుతున్న జంటల కోసం ఇన్ విట్రో ఫెర్టిలైజేషన్ (ఐవిఎఫ్ ) అత్యంత ప్రజాదరణ పొందిన, అధునాతన వంధ్యత్వ చికిత్స.

వంధ్యత్వ చికిత్స లభ్యత