మూడు రకాల బొమ్మలు

అది అవంతీపురం. రాజు రవివర్మ. అతని తెలివితేటలు అపారం.

- యామిజాల జగదీశ్

అది అవంతీపురం. రాజు రవివర్మ. అతని తెలివితేటలు అపారం. రాజులకు ఏదైనా సందేహాలు వస్తే ఆస్థాన కవిపండితులను అడిగి వాటిని నివృత్తి చేసుకోవడం సహజం. కానీ ఈ రాజు అలా కాదు. ఇతరులకు సందేహాలు వస్తే తిన్నగా రాజు వద్దకు వచ్చి నివృత్తి చేసుకుంటుంటారు.

అలాగే ఓ పెద్దాయన ఒకరోజు రాజుగారి వద్దకు వచ్చారు.

ఆయన చేతిలో మూడు బొమ్మలు ఉన్నాయి. మూడు బొమ్మలూ ఒకేలాంటివి. అవి చూడ్డానికి ఒకేలా ఉన్నాయి. ఏ మాత్రం తేడా కనిపించడం లేదు.

"ఏమిటీ బొమ్మలు?” అని అడిగాడు.

రాజు. “నాకు తెలిసిన వ్యక్తిని నాకు మూడు రకాల బొమ్మలు కావాలని అడిగాను. అతను చాలా తెలివైనవాడు.

అతను ఈ బొమ్మలను చేసిచ్చాడు.

కానీ ఇందులో ఓ చిక్కు సమస్య తలెత్తింది" అన్నాడు.

"ఏమిటి సమస్య?" అని అడిగాడు రాజు.

"నేను అతనిని మూడు రకాల బొమ్మలు అడిగాను. కానీ అతను మూడు బొమ్మలూ ఒకేలాంటివి చేసిచ్చాడు" అన్నాడు.

“మరి అటువంటప్పుడు అతనినే అడగవలసింది కదా ఎందుకిలా చేసావని?" అని రాజు అన్నాడు.

“మీరడిగినట్టే నేను అప్పుడే అడిగాను. ఎందుకిలా | ఒకేలాంటి బొమ్మలు చేసిచ్చావని... కానీ అతను మూడూ మూడు రకాల

బొమ్మలని" చెప్పిచ్చాడు అని అన్నాడు పెద్దాయన.