మాఘమాస విశిష్టత

తె లుగు సంవత్సర కాలపట్టికలో పదకొండవ నెల మాఘమాసం. మఖ నక్షత్రం వద్ద పౌర్ణమి చంద్రుడు ఉండటం చేత ఈ మాసం మాఘ మాసమనే పేరుతో వ్యవహారంలో ఉంది.

- డా|| దేవులపల్లి పద్మజ

తె లుగు సంవత్సర కాలపట్టికలో పదకొండవ నెల మాఘమాసం. మఖ నక్షత్రం వద్ద పౌర్ణమి చంద్రుడు ఉండటం చేత ఈ మాసం మాఘ మాసమనే పేరుతో వ్యవహారంలో ఉంది. ఈ మాసంలో నదీస్నానం చేసి, శ్రీమన్నారాయణుని పూజించి, శక్తికొలది దానం చేస్తే కోటి క్రతువులు చేసినంత ఫలితం కలుగుతుంది. మాఘ మాసంలో ముఖ్యమైన పండుగల్లో ప్రథమంగా వచ్చేది శ్రీపంచమి. ఈ రోజున మహాసరస్వతి ఆవిర్భావ దినోత్సవ వేడుక పుకుంటాం.

మాఘమాసంలో వచ్చే రెండవ పండుగ "రథసప్తమి” ప్రత్యక్ష భగవానుడు శ్రీ సూర్యనారాయణమూర్తి ఆవిర్భావ దినోత్సవం. మాఘం అంటే యజ్ఞం. అఘం అనే పదానికి సంస్కృతంలో పాపం అని అర్ధం. మాఘం అనగా పాపాలను నశింపజేయునది. యజ్ఞ యాగాదులకు అనువైనది, మాధవ ప్రియకరమైన మాసమిది.

రోహిణీ నక్షత్రంలో, ఆదివారం, మాఘ శుద్ధ సప్తమి తిథిరోజున సూర్యనారాయణ మూర్తి జన్మించాడు. ఆయన తండ్రి కశ్యప ప్రజాపతి. సంజ్ఞ, ఛాయ ఈయన భార్యలు.యమధర్మరాజు, శనీశ్వరుడు ఈయన కొడుకులు. సూర్యుని నుండి వచ్చే కిరణాలు సప్త జ్ఞాన భూమికలు. అందులో జ్ఞానం ప్రధానమైనది.