భోగ భాగ్యాల సంక్రాంతి..

పండగలు వస్తున్నాయ్, పోతున్నాయ్.. అవి అసలు ఎందుకొస్తున్నాయో, ఏ కాలంలో వస్తున్నాయో, ఆ సమయంలో మనం ఏం చెయ్యాలో అన్నీ మర్చిపోతున్నాం.

- పి.యస్.యమ్.లక్ష్మి

పండగలు వస్తున్నాయ్, పోతున్నాయ్.. అవి అసలు ఎందుకొస్తున్నాయో, ఏ కాలంలో వస్తున్నాయో, ఆ సమయంలో మనం ఏం చెయ్యాలో అన్నీ మర్చిపోతున్నాం. పండగ కనుక పిండివంటలు చేసుకోవాలి.. ఇప్పుడా చేసుకునే ఓపిక కూడా లేదు.. స్వగృహాకి ఆర్డర్ ఇచ్చేస్తే వెళ్ళి తెచ్చుకోవటమో, డోర్ డెలివరీనో..ఆ పని అయిపోయింది. కొత్త బట్టలు .. నెలకో రెండు కొనుక్కుంటూనే వున్నాం, పార్టీలకీ ఫంక్షలకీ వేసుకుంటూనే వున్నాం. ఇంక పండక్కి ప్రత్యేకించి ఎందుకు.. అంతే. పండగ అయిపోయింది. ఇట్లాగే వున్నాయండీ ఈ బిజీ సిటీ లైఫుల్లో పండగలు, మామూలుగా వచ్చి పోయే సెలవు రోజుల్లాగా..అయితే, డబ్బులున్నవాళ్ళు క్లబ్బులు, పబ్బులకెళ్ళి కొత్త స్టైల్స్ లో పండగ చేసుకుంటుంటే, మధ్య తరగతివాళ్ళు కుటుంబ సభ్యులంతా కలిసివున్న రోజే పండగ అనుకుంటే, డబ్బులు లేని వాళ్ళకి కడుపు నిండిన రోజే పండగ. ఈ పండగల ప్రసక్తి ఎందుకు అంటే, ఈ నెలలో సంక్రాంతి వస్తోంది కదండీ. కొంచెం గుర్తు చేసుకుందామని. సంక్రాంతిని కొందరు పెద్ద పండగ అంటారు. ఇంకొందరు పెద్దల పండగ అంటారు. వ్యవసాయదారులకి పంటల పండగ. పంటలు ఇంటికి వచ్చి ఇల్లంతా సంతోషాలు వెల్లివిరిసే సమయం. పాడి పంటలతోబాటు సర్వ శోభలూ, సంతోషాలూ తెస్తుందిగనుకే కవులు ఈ సంక్రాంతిని సంక్రాంతి లక్ష్మీ, పుష్య మాసంలో వస్తుందిగనుక పౌష్య లక్ష్మీ అనీ కవితలల్లుతారు. ఈ పండగ పెద్ద పండగ అని కొత్త అల్లుళ్ళని ఇంటికి పిలిచి కానుకలు ఇస్తారు. పెళ్ళయిన తర్వాత మొదటిసారి పండగకి మామగారి ఇంటికి వచ్చిన అల్లుడు భార్యతో మాట్లాడటానికి పడే పాట్లు, కొంటె మరదళ్ళ పరిహాసాలు.. ప్రత్యేకించి ఆ సన్నివేశాలను తమ రచనలలో చొప్పించే రచయితలూ, అవి చదివి రింగులు వేసుకునే పాఠకులూ.. ఇవన్నీ ఒకప్పటి ముచ్చటలయి పోయాయి. సూర్యుడు నెలకొక సారి ఒక్కొక్క రాశిలో ప్రవేశిస్తాడు. కదా. దీనినే సంక్రమణం, లేకపోతే సంక్రాంతి అంటారు. ఇలా ఏడాదికి 12 సంక్రాంతులొస్తాయి. వీటన్నింటిలో ముఖ్యమైనవి మకర సంక్రాంతి, కర్కాటక సంక్రాంతి.భూమధ్య రేఖకి దక్షిణాన ప్రయా ణించే సూర్యుడు ఉత్తర దిశగా తిరిగినప్పుడు రా కాలం అంటారు. ఈ ఉత రాయణ సమయంలో మకరరాశిలో ప్రవేశిస్తాడు. అందుక దానిని మకర సంక్రాంతి అంటారు. దక్షిణాయన సమయంలో సూర్యుడు కర్కాటక రాశిలో ప్రవేశిస్తాడు. దానిని కర్కాటక సంక్రమణం అంటారు.ఉత్తరాయన సమయం దేవతలకి పగలుగా భావించ బడుతుంది. అందుకే పుణ్యకాలం అంటారు. ఆ కాలంలో మరణించినవారికి పునర్జన్మ వుండదని విశ్వాసం. మన సంప్రదాయం ప్