ప్రాణ 'జ్యోతి'కి ఏదీ దీపం!

అర్ధరాత్రి స్త్రీలు స్వేచ్ఛగా సంచరించినప్పుడే నిజమైన స్వాతం త్రం అని మహాత్మాగాంధీ ఉద్ఘాటించారు. మహాత్ముడు అర్ధరాత్రి అన్నాడు

- రుద్రరాజు శ్రీనివాసరాజు

అర్ధరాత్రి స్త్రీలు స్వేచ్ఛగా సంచరించినప్పుడే నిజమైన స్వాతం త్రం అని మహాత్మాగాంధీ ఉద్ఘాటించారు. మహాత్ముడు అర్ధరాత్రి అన్నాడు కానీ పట్టపగలే తిరగలేని పరిస్థితి నేడు దాపురించింది. ఇంటి నుంచి వెళ్లిన అమ్మాయి లేదా మహిళ క్షేమంగా తిరిగొస్తుందన్న నమ్మకం లేదు. దారిలో ఎక్కడ ఏ అపాయం పొంచి ఉందో ఊహించ లేని పరిస్థితి. దారిలోనే కాదు తాను పని చేసే చోట అంతే కాదు తన ఇంటిలోకూడా మహిళలకు కనీస భద్రత కరువైన దయనీయస్థితి నేటి మహిళది. ఉయ్యాల తొట్టిలో నెలల పసికందు దగ్గర నుండి పాఠశాలకు వెళ్లే మైనర్ బాలికలు, కళాశాలకు వెళ్లే యువతులు, ద్విచక్రవాహనంపై వెళ్తున్న యువతులు, వివాహితులు, గర్భవతులు, వృద్ధురాళ్లు, ఇలా వీరిలో ఎవ్వరినీ కూడా మానవ మృగాలు వదిలి పెట్టడం లేదు. వావివరుసలు లేవు, వయసులో చిన్నాపెద్దా విచక్షణ లేదు, చట్టం పట్ల భయభక్తులు అసలే లేవు. ఇలా ఉచ్చనీచాలు మరిచి, నిమిషాల కోరిక కోసం పైశాచికంగా వ్యవహరిస్తూ చివరకు చిన్నారులపై కూడా అత్యాచారాలు చేస్తూ మనుషులు మృగాలుగా మారడానికి దారితీస్తున్న సాంఘిక, మానసిక పరిస్థితులు నేడు సమాజంలో నెలకొని ఉన్నాయి. డార్విన్ సిద్ధాంతం ప్రకారం మృగం పరిణామక్ర మంలో మనిషిగా అవతరిస్తాడు. కానీ నేటికాల మానవ పరిస్థితులను పరిశీలిస్తే మనిషి పరిణామక్రమంలో మృగంగా అవతరిస్తున్నాడని చెప్పవచ్చు. అయితే వీళ్లను మృగాలు అనే పేరుతో సంభోదించడం కూడా సరికాదేమో. ఎందుకంటే మృగాలకు కూడా ఉచ్చనీచాలు ఉన్నాయి. ఎందుకంటే మృగాలు తమ జాతి మృగాలను హత్య చేయవు. హత్యాచారాలు చేయవు. తమ జాతికే చెందిన జంతువులను కులం, మతం, ప్రాంతం, లింగం అంటూ వివక్షతలు చూపవు. సమకాలీన నాగరిక సమాజంలో ఆడబిడ్డగా జన్మించిన పసిబిడ్డ నుండి పండు ముదుసలి వరకూ ఎవరికీ కూడా కనీస భద్రత కల్పించలేని సమాజం లో మనం నివశిస్తున్నాం. పైగా మనం నాగరిక సమాజంలో నివశించే నాగరికులం అని గర్వంగా చెప్పుకుంటున్నాం. ప్రతీగంటకు వయసుతో సంబంధం లేకుండా ఆడబిడ్డలపై జరుగుతున్న అమానుష కృత్యాల గణాంకాలు చూస్తే మానవరూపంలో ఉన్న కీచకుల ఆకృత్యాలను అర్థం చేసుకోవచ్చు.అత్యాచారం అనేది కేవలం మహిళల సమస్యకాదు. సమాజంలోని మానసిక రుగ్మతకు అదొక చిహ్నం.అడుగంటుతున్న మానవీయ విలువలకు నిలువెత్తు నిదర్శనం.అనేక ఘటనల్లో అత్యాచారానికి పాల్పడిన నిందితులు, బాధితులకు తెలిసినవారై ఉంటున్నారు.విద్యావంతులైన వారు సైతం వికృత చేష్టలకు పాల్పడుతున్నారు.మహిళలపై ఇంటా బయటా ఆకృత్యాలకు అడ్డుకట్ట వేయడానికి సామ