ఏ హోదాలో ఉన్నా..

అది రామరాజ్యం కొనసాగుతున్న కాలం. ఒకరోజు రాముడు సభలో కూర్చుని ఉన్నాడు. ఆ సమయంలో ఓ కుక్క ఆ సభకు వచ్చింది.

- యామిజాల జగదీశ్

అది రామరాజ్యం కొనసాగుతున్న కాలం. ఒకరోజు రాముడు సభలో కూర్చుని ఉన్నాడు. ఆ సమయంలో ఓ కుక్క ఆ సభకు వచ్చింది. దాని తలకు దెబ్బ తగిలింది. రక్తం కారుతోంది. అలాగే అక్కడకు వచ్చింది. అందరూ దానిని చూసి ఆశ్చర్యపోయారు.

రాముడు కూడా దాని వంక చూశాడు.

“నువ్వు ఇక్కడికి దేనికోసం వచ్చావు? ఏమైంది? ఏం జరిగిందో భయపడకుండా చెప్పు” అని అడిగాడు రాముడు.

వెంటనే ఆ కుక్క నెమ్మదిగా చెప్పడం ఆరంభించింది.

"అయ్యా, నేను ఓ వీధిలో నడుచుకుంటూ పోతున్నాను. దారిలో ఒక వ్యక్తి ఎదురొచ్చారు. ఆయన వేదాలు, శాస్త్రాలు బాగా చదువుకున్న పెద్ద మనిషి. ఆయన ఏ కారణం లేకుండా తన దగ్గరున్న కర్రతో నా తల మీద కొట్టారు. ఆ దెబ్బతో రక్తం కారుతోంది. నేను జరిగింది పొల్లు పోకుండా చెప్పాను. మీరే విచారణ

జరిపి తగిన తీర్చు ఇవ్వాలి" అన్నది కుక్క.

కుక్క చెప్పినదంతా రాముడు విన్నాడు.. ఆలోచించాడు. వెంటనే తన భటులను పిలిచాడు. వారిని సంఘటనా స్థలానికి పంపించాడు. "ఈ కుక్కను కొట్టిన ఆ మనిషిని తీసుకుండి" అని భటులను ఆజ్ఞాపించాడు.

భటులు వెళ్లారు. కుక్కను కొట్టిన వ్యక్తిని గుర్తించారు.