భయం వద్దు

భయం వద్దు

- - యల్.రాజా గణేష్

ముందే చందూకి భయం ఎక్కువ. నాన్నంటే భయం, పక్కింటాయనంటే భయం, టీచర్లంటే భయం, దెయ్యమంటే భయం. ఇన్ని భయాలనడుమ బాల్యం గడుపుతూ వస్తున్నాడు.కానీ చందుకి కొన్నిఇష్టాలు కూడా ఉన్నాయి.అవి ఆటలు, పాటలు, తోటలో వున్న మొక్కలు.సినిమాలు షికార్లు.ఆరోజు ఆదివారం కావడం వల్ల ఆటలతో గడిపేసాడు. ఆ మరుసటిరోజు ఉదయం ''అమ్మా నే నీ రోజు బడికెళ్లను' అని అన్నాడు.చందు వాళ్లమ్మకు వాడి భయాలు, ఇష్టాలు అన్నీ తెలుసు. 'నువ్వుహోంవర్క్ చేయలేదు. అందుకే కదూ ' బడికెళ్లనంటున్నావు'? అందామె. అందుకు మౌనంగా ఉండిపోయాడు చందు.