ఈ బొమ్మలు ఏంటి?

ఈ బొమ్మలు ఏంటి?

- -వేదాంతం శ్రీపతిశర్మ

సుబ్బారావు ఓ పెద్దాయనను  పట్టుకొచ్చారు. తల పండినవారు అంటే ఇలానే ఉంటారని అర్థమైంది. తాటిపండు రంగులో ఉంది.

“నా వల్ల కాదు” అన్నాడు.

“ఏమైందండీ?”

"ఒకడు పాము, ముంగీస అంటాడు; ఒకడు 18 మార్కులంటాడు; ఒకడు రాక్షస గణం అంటాడు, ఇంకొకడు కుజదోషం అంటాడు, ఉన్నదని ఒకడు, లేదని ఇంకొకడు. ఇదెక్కడి శాస్త్రం సార్?

నిజమే.. శాస్త్రం పేరున జరుగుతున్నది ఎంతో హాస్యాస్పదం! జాతకాలు నప్పాయా? అనే అంశం మీద కనీసం విద్యావంతులైనా సరైన అవగాహనలోకి రావాల్సిన సమయం.ఎన్నో సంబంధాలు పోగొట్టుకుంటున్నారు. సామాన్యులు. అమ్మాయో, అబ్బాయో నచ్చకపోతే జాతకాలు కుదరలేదంటారు.సాఫ్ట్వేర్ ఒకటి చెబుతుంది. పంచాంగం మరొకటి, మరో పంచాంగం మరొకటి..

ఏది ధర్మం, ఏది న్యాయం?

“మాస్టారూ, మీరు ఏదైనా సమస్యకి స్కానింగ్ చేయించుకుని ఓ రిపోర్ట్ చూస్తారు. దానిని అర్థం చేసుకునే ప్రయత్నం చేస్తారు కదా?” 

“తప్పకుండా”

 "మరి రెండు జీవితాలను బొమ్మలని చూసి విశ్లేషిస్తుంటే ఆ బొమ్మలేమిటో అర్థం చేసుకోకపోతే ఎలా?"