பங்களாதேஷை 15 ஓவருக்குள் வீழ்த்தி இலங்கை அணி அபார வெற்றி

ஆசிய கிண்ண கிரிக்கெட் தொடரில் பங்களாதேஷுக்கு எதிரான ஆட்டத்தில் இலங்கை அணி 14.4 ஓவர்களில் வெற்றி இலக்கை எட்டி ஆறு விக்கெட்டுகள் வித்தியாசத்தில் அபார வெற்றி பெற்றது.

- 

அபுதாபி ஷேக் சயீத் மைதானத்தில் இலங்கை நேரப்படி நேற்று முன்தினம் (13) இரவு 8 மணிக்கு ஆரம்பமான இப்போட்டியில் நாணய சுழற்சியில் வெற்றி பெற்ற இலங்கை அணியானது களத்தடுப்பினை மேற்கொள்வதற்கு தீர்மானித்தது.

அதன்படி, முதலில் துடுப்பெடுத்தாடிய பங்களாதேஷ் அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகளை இழந்து 139 ஓட்டங்களை மாத்திரம் பெற்றது.

பங்களாதேஷ் அணியின் தொடக்க வீரர்கள் இருவரும் டக் அவுட் ஆகி வெளியேறினர். லிட்டன் தாஸ் 28 ஓட்டங்களில் ஆட்டமிழக்க, தவ்ஹீத் ஹிர்தாய் 8 ஓட்டங்களில் வெளியேறினார். மெஹதி ஹசன் ஒன்பது ஓட்டங்களில் ஆட்டமிழந்தார்.