தொந்தரவான ஒரு பாதிரியாரை அகற்றிவிடுதல்

2025 ஜூலை 11, அன்று அருட்தந்தை. சவேரிமுத்து செல்வராஜா மறைந்து 35 ஆண்டுகள் நிறைவடைகிறது. மட்டக்களப்பு மறைமாவட்டத்தைச் சேர்ந்த கத்தோலிக்க பாதிரியார். அருட்தந்தை செல்வா என அறியப்படுகிறார். செல்வா, அப்போது 30 வயதுடைய அவர், அம்பாறை மாவட்டத்தில் உள்ள சொரிகல்முனை என்ற தொலைதூர கிராமத்தில் உள்ள புனித சிலுவை தேவாலயத்தின் குருவாகவும், நிருவாகியாகவும் பணியாற்றினார்.

- 

இத்தினத்தை நினைவுகூரும் வகையில் பாடசாலை மாணவர்கள் உட்பட பல கிராம மக்கள் கலந்துகொண்ட விசேட நினைவுப் பேருரை புனித சிலுவைதேவாலயத்தில் இடம்பெற்றது. மதகுருவின் சிலை. தேவாலய வளாகத்தில் உள்ள மதகுரு செல்வாவின் சிலைக்கு மாலை அணிவிக்கப்பட்டு தீபம் ஏற்றப்பட்டது. உள்ளூர் சாண்டா குரூஸ் விளையாட்டுக் கழகத்தின் சார்பில் அன்னதானம் வழங்கப்பட்டது. இவை நீண்ட காலமாக நடக்கும் வருடாந்த நிகழ்வுகள். அவர் மறைந்த 25 ஆவது ஆண்டை முன்னிட்டு வெகு தொலைவில் உள்ள குடும்ப உறுப்பினர்களும் கலந்து கொண்ட ஒரு பெரிய நிகழ்வு நடைபெற்றது. சொரிகல்முனையில் உள்ள தேவாலயத்திற்கு திருச்சபை குருமார் மற்றும் நிர்வாகிகள் வந்து சென்றுள்ளனர் ஆனால் தந்தை செல்வா கிராம மக்களின் இதயங்களிலும் மனங்களிலும் தொடர்ந்து தனி இடத்தைப் பிடித்திருக்கிறார்.

சொரிகல்முனை ஒரு தனிமைப்படுத்தப்பட்ட, தொலைதூர கிராமமாக உள்ளது. இரண்டு நாட்களில், சில நான்கு சக்கர வாகனங்களை மட்டுமே பார்த்தேன். பெரும்பாலான கிராம மக்கள் சைக்கிள், மோட்டார் சைக்கிள் மற்றும் மூன்று சக்கர வாகனங்களில் சுற்றி வருகின்றனர். கிராமத்திலிருந்து வாரத்தில் மூன்று நாட்கள் காலை 8 மணிக்கு மட்டுமே பேருந்துகள் இயக்கப்படும். மாட்டு வண்டிகள் இன்றும் பயன்படுத்தப்படுகின்றன. உள்ளூர் பாடசாலையில் உயர்தரம் வரை வகுப்புகள் உள்ளன. ஆனால் கலைப் பிரிவில் மட்டுமே கற்கமுடியும் ஏனைய துறைகளில் கற்க விரும்பும் மாணவர்கள் கிராமத்தை விட்டு வெளியேற வேண்டும். நீண்ட நெல் வயல்களுடன் பெரும்பாலான மக்கள் விவசாயத்தில் ஈடுபட்டுள்ளனர். வாழ்வாதார வாய்ப்புகள் மற்றும் முன்னேற்றம் இன்மையால் அதிகமான மக்களை வேலைக்காக வெளிநாடுகளுக்கு, குறிப்பாக மத்திய கிழக்கு நாடுகளுக்குச் செல்லத் தள்ளப்படுகின்றனர்.

1990 இன் வன்முறை மற்றும் பதற்றங்கள்