‘தமிழக ரயில்வே திட்டங்களுக்கு ஒதுக்கிய நிதி திருப்பி அனுப்பப்படாது!’

கடும் எதிர்ப்பால் பின்வாங்கியது ரயில்வே

- 

இந்திய ரயில்வே சார்பில் தமிழக ரயில்வே திட்டங்களுக்கு ஒதுக்கப் பட்டு - செலவிடப்படாத நிதி, மீண்டும் ஒன்றிய அரசுக்கு திருப்பி அனுப்பப்படவில்லை என்று தெற்கு ரயில்வே சமாளித்துள்ளது.

தமிழக ரயில் வளர்ச்சித் திட்டங்களுக்கு பட்ஜெட்டில் ஒதுக்கப்பட்ட நிதியை சரண்டர் செய்வது தொடர்பாக தெற்கு ரயில்வே பொது மேலாளர் எழுதிய கடிதத்தை பொதுவெளியில் அம்பலப்படுத்தி, மார்க்சிஸ்ட் கம்யூனிஸ்ட் கட்சியின் மதுரை தொகுதி நாடாளுமன்ற உறுப்பினர் சு. வெங்கடேசன் எம்.பி. விமர்சித்திருந்தார். பட்ஜெட்டில் ஒதுக்கப்பட்ட நிதியை முழு மையாக தமிழகத்திற்கே செலவிட வேண்டும் என்றும் வலியுறுத்தியிருந்தார்.

சமாளிப்பு விளக்கம்

இந்நிலையிலேயே தமிழக ரயில்வே திட்டங்களுக்கு ஒதுக்கப்பட்டு - செலவிடப்படாத நிதி, மீண்டும் ஒன்றிய அரசுக்கு திருப்பி அனுப்பப்படவில்லை என்று தெற்கு ரயில்வே சமாளித்துள்ளது.

“ரயில்வே திட்டப் பணிகளுக்காக ஒதுக்கப்படும் நிதியை அந்த குறிப்பிட்ட காலாண்டில் பயன்படுத்த முடி யாத சூழல் ஏற்படும் பட்சத்தில், அந்த நிதி மீண்டும் திருப்பி அனுப்பப்பட்டு அடுத்த காலாண்டில் சேர்த்து பெற்றுக் கொள்ளப்படும். இது ரயில்வேயில் கடைப்பிடிக்கப்படும் வழக்கமான நடை முறை தான்.