નાની પણ ખતરનાકઃ શહેરમાં કાળી, ઝીણી મસીનો આતંક, વાહનચાલકો ભારે પરેશાન

મિસાઇલની જેમ ઘૂસી જતી મસીના કારણે આંખ અને આરોગ્યને જોખમ

- 

શહેરમાં છેલ્લા ત્રણેક દિવસથી કાળી ઝીણી મસીનો ઉપદ્રવ વધી ગયો છે, જેને કારણે નાગરિકોમાં ભારે પરેશાની જોવા મળી રહી છે. રહેણાક વિસ્તાર, સોસાયટી, બગીચા તેમજ શાળાની આસપાસ કાળી ઝીણી મસી મોટી સંખ્યામાં દેખાવા લાગી છે. એકાએક મસીનો ઉપદ્રવ ચિંતાજનક હદે વધી જતાં વાહનચાલકો ત્રાહિમામ્ પોકારી ગયા છે. વાતાવરણમાં પલટો આવતાં અચાનક જ મસીનો એટેક શરૂ થઇ ગયો છે. આના કારણે નાના-મોટા અકસ્માતના બનાવો પણ વધી ગયાની ફરિયાદો વધી રહી છે. શહેરીજનો અને તેમાં પણ ખાસ કરીને ટુ વ્હીલરચાલકોને પરેશાન કરનાર મસીના ઉપદ્રવને અટકાવવા મહાનગરપાલિકાના હેલ્થ વિભાગ પાસે કોઇ ઇલાજ ન હોવાનું જાણવા મળે છે.