AMCમાં હવે તમામ ઓનલાઈન સેવા સુરક્ષિત બનશેઃ આધાર ઈ-સિગ્નેચર ફરજિયાત કરાશે

આ નિર્ણયથી નવા વર્ષમાં આધાર કાર્ડની ઝેરોક્સ લઈને ફરવાની ઝંઝટમાંથી નાગરિકોને મુક્તિ મળશે

- 

આજકાલ ઓનલાઇન ફ્રોડની ઘટનાઓ વધી રહી છે અને અનેક લોકો તેનો શિકાર બની રહ્યા છે ત્યારે સરકાર દ્વારા એક મહત્ત્વપૂર્ણ નિર્ણય લેવામાં આવ્યો છે, જે અંતર્ગત હવે તમામ ઓનલાઇન સેવા સુરક્ષિત બની જશે.

આઈડેન્ટિફિકેશન ઓથોરિટી ઓફ ઇન્ડિયા (UIDAI) ટૂંક સમયમાં કાગળ આધારિત આધાર વેરિફિકેશનને સંપૂર્ણપણે બંધ કરવાની યોજના પર કામ કરી રહ્યું છે, જેથી દસ્તાવેજોની સુરક્ષા સુનિશ્ચિત કરી શકાય અને તેનો દુરુપયોગ અટકાવી શકાય. જેના કારણે હવે આધાર કાર્ડની ઝેરોક્સની જરૂર નહીં પડે. સરકારી સેવાનો લાભ લેવો હોય કે હોટલમાં રહેવું હોય, તમારા આધાર કાર્ડની ઝેરોક્સ આપવી જરૂરી હોય છે. UIDAI નવા નિયમો રજૂ કરવાની તૈયારી કરી રહ્યું છે, જેથી હવે આધાર કાર્ડની ઝેરોક્સ સબમિટ કરવાની જરૂરિયાત નહીં રહે. સાથે જ ખિસ્સામાં પૈસા કે ક્રેડિટ અને ડેબિટ કાર્ડની જેમ જ આધારની ઝેરોક્સ લઈને ફરતા નાગરિકોને આ ઝંઝટમાંથી મુક્તિ મળશે