આજે ડારનો છેલ્લો દિવસઃ ૧૬મી બાદ બીએલઓ ડોક્યુમેન્ટ લેવા ઘરે પહોંચશે

આજે યોજાનાર ચૂંટણીપંચની બેઠક પર સૌની નજરઃ SIRની ડેડલાઈન વધારવા માટે વિચારણા થઈ શકે

- 

ગુજરાત સહિત દેશનાં ૧૧ રાજ્ય અને કેન્દ્રશાસિત પ્રદેશોમાં ચાલી રહેલા મતદારયાદીના સ્પેશિયલ ઇન્ટેન્સિવ રિવિઝન (એસઆઈઆર)નાં ફોર્મ જમા કરાવવાની આજે છેલ્લી તારીખ છે. ચૂંટણીપંચના અધિકારીઓ આજે ફોર્મ ડિજિટાઇઝેશન અને જમા કરાવવાની પ્રગતિની સમીક્ષા કરશે. આજે મતદારયાદીની ખાસ ઝુંબેશ હેઠળ મતદારો સમયમર્યાદામાં તેમનાં ફોર્મ જમા કરાવી શકશે. હવે બીજા તબક્કામાં ૧૬ ડિસેમ્બર બાદ જેનું મેપિંગ ન થયું હોય તેવા મતદારોને નોટિસ અપાશે. બીએલઓ જે તે મતદારોના ઘરે જઈ ગણતરી ફોર્મના ડોક્યુમેન્ટ લઈ મેપિંગ કરશે. ૨૭ ઓક્ટોબરથી શરૂ થયેલી આ ઝુંબેશની ગણતરીના તબક્કાની સમયમર્યાદા આજે પૂર્ણ થઈ રહી છે. તંત્રની સક્રિયતાના કારણે રાજ્યમાં ૯૯.૯૯ ટકા કામગીરી સફળતાપૂર્વક પૂર્ણ કરી દેવામાં આવી છે.

૭ ડિસેમ્બરે તમામ વિધાનસભા વિસ્તારમાં કેમ્પ યોજાયો હતો, જેમાં મતદારો માટે તમામ કામગીરી કરવામાં આવી હતી. ૧૦ ડિસેમ્બર સુધીમાં લાખો ફોર્મનું ડિજિટાઇઝેશન થયું છે. હજુ પણ ફોર્મનું મેપિંગ બાકી છે, જ્યારે કેટલાંક ફોર્મ હજુ પરત આવ્યાં નથી.

આજની બેઠકમાં ઉત્તરપ્રદેશ સહિત અન્ય રાજ્યો માટે SIRની ડેડલાઇન વધારવા પર વિચારણા થઈ શકે છે.