கச்சா எண்ணெய் வாங்குவதை நிறுத்த இந்தியா முடிவா?

ரஷ்யாவிடம் இருந்து கச்சா எண்ணெய் வாங்குவதை நிறுத்திக்கொள்ள இந்தியா முடிவு செய்திருப்பதாக அமெரிக்க அதிபர் டிரம்ப் கூறியிருக்கிறார். இதை ஒரு நல்ல முடிவு என்றும் தெரிவித்துள்ளார். ஆனால் இதை மத்திய அரசு நிராகரித்துள்ளது.

- 

உக்ரைன் மீது 2022-ஆம் ஆண்டு ரஷ்யா போர் தொடுத்தது. இதையடுத்து அதன் மீது அமெரிக்காவும், மேலை நாடுகளும் பொருளாதாரத் தடைகளை விதித்தன.

அரபு நாடுகளுக்கு இணையாக ரஷ்யாவிடமும் பெட்ரோலிய வளமும், எரிவாயு வளமும் உள்ளன. இவற்றை வாங்குவதை ஐரோப்பிய நாடுகள் நிறுத்திக்கொண்டால், குறைந்த விலைக்கு தருவதாக ரஷ்யா அறிவித்தது.

இதையடுத்து ரஷ்யாவிடம் இருந்து மிக மிக அதிக அளவில் கச்சா எண்ணெய்யை இந்தியா வாங்கத் தொடங்கியது. இதன் காரணமாகத்தான் கடந்த 3 வருடமாக இந்தியாவில் பெட்ரோல்-டீசல் விலைகள் உயர்த்தப்படவில்லை.