ભારત સામેની આગામી ટી20 સિરીઝમાંથી ઓસ્ટ્રેલિયાએ વોર્નરને આરામ આપ્યો

23મીથી શરૂ થઈ રહેલી ટી20 સિરીઝ માટેની ઓસી.ટીમ જાહેર

- 

આઇસીસી વન-ડે ક્રિકેટ વર્લ્ડ કપની સફળતા બાદ ઓસ્ટ્રેલિયન ટીમ ગુરુવારથી ભારત સામે પાંચ મેચની ટી20 સિરીઝ રમનારી છે જેમાંથી ઓપનર ડેવિડ વોર્નરને આરામ આપવામાં આવ્યો છે. જોકે ડેવિડ વોર્નરે એવા સંકેત આપ્યા હતા કે આમ થવાથી તેની કારકિર્દી પૂરી થઈ કે ગઈ નથી.

તાજેતરમાં જ ઓસ્ટ્રેલિયાએ વર્લ્ડ કપની ફાઇનલમાં ભારતને છ વિકેટે હરાવીને ટાઇટલ જીત્યું હતું. આ વર્લ્ડ કપમાં ડેવિડ વોર્નર ઓસ્ટ્રેલિયાનો મોખરાનો બેટ્સમેન રહ્યો હતો જેણે 535 રન ફટકાર્યા હતા. મેથ્યુ વેડની આગેવાની હેઠળની ઓસ્ટ્રેલિયન ટીમ ગયા મહિને જાહેર થઈ ગઈ હતી પરંતુ હવે તેમાંથી વોર્નરે આરામ આપવામાં આવ્યો છે.