ગાઝામાં ઇઝરાયેલનો ત્રણ મોરચે હુમલો, દૂરસંચાર સેવા ખોરવાઈ

સંગ્રામ: ઇઝરાયેલી સેનાએ જમીની ઓપરેશન વ્યાપક બનાવ્યું, હમાસની ટનલો પર બોંબમારોઃ યુદ્ધ હવે વધુ ભીષણ બનશે

- 

સમુદ્ર અને હવામાંથી ભીષણ હુમલાની સાથે ઇઝરાયેલે ગાઝામાં ટેન્કો અને સૈનિકો મોકલીને તેના જમીની ઓપરેશનને પણ હવે વિસ્તૃત બનાવ્યું છે. ઇઝરાયેલની બોંબવર્ષાને ગાઝાના લોકોએ આ યુદ્ધની સૌથી ભીષણ ગણાવી હતી. તેનાથી મોટાભાગના વિસ્તારોમાં દૂરસંચાર સેવા ખોરવાઈ ગઈ હતી.

ઇઝરાયલના સંરક્ષણ પ્રધાને જણાવ્યું હતું કે ગાઝાની જમીન હચમચી ઉઠી છે અને ગાઝામાં હમાસ શાસિત પ્રદેશોમાં યુદ્ધ નવા તબક્કે પહોંચ્યું છે. યુદ્ધવિમાનોએ હમાસની ડઝનેક ટનલ અને ભૂગર્ભ બંકરો બોંબમારો કર્યો હતો. મિલિટરીએ કેટલાંક તસ્વીરો જારી કરી હતી, જેમાં દેખાય છે કે ટેન્કોનો કાફલો ગાઝાના ખુલ્લા મેદાનમાં ધીમે ધીમે આગળ વધી રહ્યો છે.