இந்திய கடல்சார் வல்லுநர் குழுவினர்களுடன் ஆட்சியர் அழகுமீனா கலந்தாய்வு

கடந்த 25.05.2025 அன்று கண்டெய்னர்கள், பிளாஸ்டிக் துகள்கள், மரக்கட்டைகள், இரும்பு கம்பிகள் உள்ளிட்ட பொருட்களை ஏற்றிச்சென்ற 3 கப்பல் கொச்சி துறைமுகத்திலிருந்து சுமார் 35 நாட்டிக்கல் மைல் தூரத்தில் அரபிக்கடலில் மூழ்கியதைதொடர்ந்து கன்னியாகுமரி கடற்கரை பகுதிகளான வள்ளவிளை, நீரோடி, புத்தன்துறை, சின்னத்துறை, மிடாலம், கோடிமுனை உள்ளிட்ட சுமார் 36 மீனவ கடலோர பகுதிகளில் இப்பொருட்களில் கரை ஒதுங்கியதையொட்டி மாவட்ட நிர்வாகத்தின் சார்பில் உடனடியாக மீன்வளத்துறை, மாசுகட்டுப்பாட்டு வாரியம், பேரிடர் மேலாண்மை, வருவாய்த்துறை, உள்ளாட்சித்துறை உள்ளிட்ட துறைகளின் சார்பில் பல்வேறு நடவடிக்கைகள் மேற்கொள்ளப்பட்டு வருகிறது.

- 

அதன் ஒரு பகுதியாக கன்னியாகுமரி மாவட்ட ஆட்சித்தலைவர் அழகுமீனா தலைமையில் ஆட்சியர் அலுவலக கூட்டரங்கில் இந்திய கடல்சார் வல்லுனர்களுடன் அரபிக்கடல் பகுதியில் ஏற்பட்டுள்ள பாதிப்புகள் குறித்து கலந்தாய்வு மேற்கொண்டு தெரிவிக்கையில், 24.05.2025 அன்று காலை 3 என்ற சரக்கு கப்பல் கேரள மாநில கொச்சி கடற்கரை பகுதியில் இருந்து 38 நாட்டிக்கல் மைல் தொலைவில் அரபிக்கடல் பகுதியில் மூழ்கியுள்ளது என்றும், கப்பலில் சுமார் 630 கொள்கலன்கள் கடலில் விழுந்து மிதந்து கொண்டு இருப்பதாகவும் தகவல் பெறப்பட்டது. தற்போது தென்மேற்கு பருவமழை மற்றும் கடல் சீற்றம் அதிகமுள்ள காலநிலையாக இருப்பதால் கொள்கலன்கள் மற்றும் அவற்றில் உள்ள வீசபொருட்கள் கடல் அலைகளின் உந்து விசையினால் கரை இழுத்து செல்லப்பட்டு கடற்கரை ஓரங்களில் ஒதுங்கி வருகிறது.