மாநில அந்தஸ்து பெறாவிட்டால் புதுவை எத்தனை ஆண்டுகள் ஆனாலும் பின்தங்கிய நிலையில் தான் இருக்கும்

முதலமைச்சர் ரங்கசாமி ஆதங்கம்

- 

'புதுவைக்கு மாநில அந்தஸ்து பெறாவிட்டால் எத்தனை ஆண்டுகள் ஆனாலும், புதுச்சேரி பின்தங்கிய நிலையில் தான் இருக்கும்' என, முதலமைச்சர் ரங்கசாமி ஆதங்கத்துடன் சட்டப்பேரவையில் கூறினார்.

புதுச்சேரி சட்டசபை கூட்டத்தொடர் கடந்த 10ம் தேதி துவங்கி நடந்து வருகிறது. நேற்றைய கேள்வி நேரத்தின் போது புதுச்சேரியில் புதிய தாழிற்சாலைகள் கொண்டு வருவது குறித்து விவாதம் நடந்தது.

அசோக்பாபு (பாஜக): புதுச்சேரி மாநிலத்தில் புதிதாக தொழில் தொடங்க ஏதுவாக முதலீட்டார்கள் மாநாடு நடத்தும் திட்டம் அரசிடம் எந்நிலையில் உள்ளது? கரசூரில் தொழில் பூங்கா அமைக்க மத்திய அரசு அனுமதி அளித்துள்ளதால் தொழில் முனைவோருக்கு எப்போது இடத்தை அரசு பிரித்து வழங்கும்?

முதலமைச்சர் ரங்கசாமி: ஜூன் மாதம் தொழிற்சாலைகளுக்கு நிலம் பிரித்துக் கொடுக்கப்படும். முதலீட்டார்கள் மாநாடு நடத்துவது குறித்து பரிசீலித்து வருகிறோம். ஆனால், யார் வருவார்கள் என தெரியவில்லை. ஒரு தொழிற்சாலை துவங்க அனுமதி பெறுவதற்கு எவ்வளவு கடினமாக என்று அனைவருக்கும் தெரியும்.