Opening van nuwe tartanbaan laat vrae

Die afgelope naweek is die nuwe tartanatletiekbaan in Rosemoor, George, amptelik in gebruik geneem.

- Hugo Redelinghuys

Waar dit 'n feestelike hoogtepunt vir die plaaslike atletiek moes wees, het verskeie haakplekke egter veroorsaak dat die geleentheid nie heeltemal aan die verwagtinge voldoen het nie. Verskeie inwoners wat daar was, het hulle ongelukkigheid en teleurstelling uitgespreek oor die reëlings tekort geskiet het. Een het 'n brief aan George Herald gestuur waarin die persoon die byeenkoms beskryf as "totale chaos. As toeskouer het ek skaam gekry om so 'n byeenkoms in George te beleef".

Van die besware word in die berig uitgelig. George Herald het die brief aan die bestuur van ASWD voorgelê vir kommentaar, maar teen druktyd het ons nog nie hul antwoord(e) daarop ontvang nie.