Möller-sussies laat waai hare vir Kansa

Twee sussies van George, Leslie (14) en Mia Möller (11), het onlangs hul hare aan Kansa geskenk en só 'n kosbare bydrae gelewer vir mense wat teen kanker veg.

- Lizette da Silva

Die hare is verlede week by XC Hair deur Eunice Maarman afgesny. Vir Leslie was dit nie 'n nuwe ervaring nie aangesien sy reeds in 2021, kort na die dood van 'n goeie vriend van die familie, besluit het om haar hare te skenk.

Destyds het sy 30 cm geskenk. Hierdie keer is nóg 25 cm van haar pragtige lokke afgesny.

Kansa gebruik agt poniesterte om 'n pruik vir 'n kankerpasiënt te maak.

Vir Mia was dit die eerste keer, en sy het sommer 'n hele 30 cm laat afknip.

Die gebaar is vir die twee susters baie persoonlik en betekenisvol.