கடலூர் மாவட்டத்தில் 14 இடங்களில் மறியல்: 862 பேர் கைதாகி விடுதலை

பொது வேலைநிறுத்தத்தை யொட்டி, கடலூர் மாவட்டத்தில் தொழிற்சங்கத்தினர் கடலூர், சிதம்பரம் உள்ளிட்ட 14 இடங்களில் புதன்கிழமை மறியலில் ஈடுபட்டனர்.

- 

நெய்வேலி/ சிதம்பரம், ஜூலை 9: இதில் பங்கேற்ற 182 பெண்கள் உள்ளிட்ட 862 பேரை போலீஸார் கைது செய்து பின்னர் விடுவித்தனர்.

விலைவாசி உயர்வை கட்டுப்படுத்த வேண்டும். நான்கு தொழிலாளர் நலச் சட்ட தொகுப்புகளை ரத்து செய்ய வேண்டும். மத்திய, மாநில அரசு மற்றும் பொதுத்துறை நிறுவனங்களில் அவுட்சோர்சிங் ஒப்பந்த முறையை ரத்து செய்வது உள்ளிட்ட 18 அம்ச கோரிக்கைகளை வலியுறுத்தி, அனைத்து மத்திய தொழிற்சங்கம் சார்பில் நாடு தழுவிய பொது வேலைநிறுத்தத்துக்கு புதன்கிழமை அழைப்பு விடுக்கப்பட்டிருந்தது.