ஏப்ரலில் இறங்குமுகம் கண்ட நிலக்கரி இறக்குமதி

இந்தியாவின் நிலக்கரி இறக்குமதி கடந்த ஏப்ரல் மாதத்தில் 4.4 சதவீதம் குறைந்து 2.49 கோடி டன்னாக உள்ளது.

- 

புது தில்லி, ஜூன் 11:

இதுகுறித்து மத்திய நிலக்கரித் துறை அமைச்சகத்தின் தரவுகள் தெரிவித்துள்ளதாவது:

இந்தியாவின் நிலக்கரி இறக்குமதி கடந்த ஏப்ரல் மாதத்தில் 2.49 கோடி டன்னாக பதிவாகியுள்ளது. முந்தைய 2024-ஆம் ஆண்டின் அதே மாதத்துடன் ஒப்பிடுகையில் இது 4.4 சதவீதம் குறைவு. அப்போது நாடு 2.61 கோடி டன் நிலக்கரியை இறக்குமதி செய்திருந்தது.

2025 மார்ச் மாதத்தில் 2.28 கோடி டன்னாக இருந்த இறக்குமதியுடன் ஒப்பிடுகையில், கடந்த ஏப்ரல் மாதத்தில் இறக்குமதி 9.48 சதவீதம் உயர்ந்துள்ளது.