நவீன தமிழகத்தின் சிற்பி கருணாநிதி என்பதற்கு அடையாளம் திருவள்ளூர்

நவீன தமிழகத்தின் சிற்பி முன்னாள் முதல்வர் கருணாநிதிதான் என்பதற்கு அடையாளம் திருவள்ளூர் மாவட்டம் என முதல்வர் மு.க.ஸ்டாலின் கூறினார்.

- 

திருவள்ளூர், ஏப். 18:

திருவள்ளூர் மாவட்டம், பொன்னேரியில் வெள்ளிக்கிழமை நடைபெற்ற அரசு விழாவில் அவர் பேசியதாவது: ஒட்டுமொத்தமாக ரூ.1,166 கோடி மதிப்பிலான விழாவாக இது நடைபெற்று வருகிறது. இதில் எனக்கு மிகவும் மகிழ்ச்சியைத் தருவது என்றால் பல ஆண்டு பிரச்னைக்கு தீர்வு காணும் வகையில் இலவச பட்டா வழங்குவதுதான். இந்த மாவட்டத்தில் மட்டும் 63,124 பேருக்கு பட்டா வழங்கப் போகிறோம்.

முன்னாள் முதல்வர் கருணாநிதிதான் நவீன தமிழகத்தின் சிற்பி என்பதற்கு அடையாளமாக விளங்குகிற இடம் திருவள்ளூர் மாவட்டமாகும்.

மணலி, அம்பத்தூர், திருவள்ளூர், கும்மிடிப்பூண்டி, ஸ்ரீபெரும்புதூர், இருங்காட்டுக் கோட்டை, மறைமலை நகர் என்று திருவள்ளூர், சென்னையைச் சுற்றியுள்ள தொழில் வளாகங்கள் எல்லாமே முதல்வராக இருந்த கருணாநிதியால் உருவாக்கப்பட்டவை.