'எச்1பி' விசா நடைமுறையில் மாற்றம்: அமெரிக்க வர்த்தக அமைச்சகம்

'எச்1பி' நுழைவு இசைவு (விசா) திட்டத்தில் மாற்றங்களை மேற்கொள்ள அமெரிக்க அதிபர் டொனால்ட் டிரம்ப் திட்டமிட்டு வருவதாக அந்நாட்டு வர்த்தக அமைச்சர் ஹோவர்ட் லுட்னிக் தெரிவித்தார்.

- 

நியூயார்க், வாஷிங்டன், ஆக.28:

எச்1பி விசா நடைமுறையின் கீழ் உலகம் முழுவதும் இருந்து பணியாளர்களை தேர்வு செய்து அவர்களுக்கு அதிக ஊதியத்துடன் அமெரிக்காவில் வேலை வழங்கப்படுகிறது. இந்த திட்டத்தில் இந்தியாவைச் சேர்ந்த தகவல் தொழில்நுட்ப (ஐடி) பணியாளர்கள் அதிகமாக பயனடைந்து வருகின்றனர்.

அதேபோல் அமெரிக்காவில் நிரந்தரமாக தங்கி பணியை தொடர்வதற்காக வழங்கப்படும் நிரந்தர குடியுரிமை அட்டை (கிரீன் கார்டு) முறையிலும் மாற்றங்கள் கொண்டுவரப்படவுள்ளன. அமெரிக்க குடிமகன் ஆண்டுதோறும் ரூ.65.72 லட்சத்தை ஊதியமாக பெறுகிறார். அதே நேரம், நிரந்தர குடியுரிமை அட்டை உடைய வெளிநாட்டினர் ஆண்டுக்கு ரூ.57.83 லட்சம் என்ற அளவில் ஏறத்தாழ இணையான ஊதியம் பெறுகிறார்.