தலைமைத் தேர்தல் ஆணையரை பதவி நீக்க தீர்மானம்

பிகார் வாக்காளர் பட்டியல் சிறப்பு தீவிர திருத்த விவகாரம் மற்றும் வாக்குத் திருட்டு புகார் விவகாரத்தில் தலைமைத் தேர்தல் ஆணையர் ஞானேஷ் குமாருக்கு எதிராக நாடாளுமன்றத்தில் பதவி நீக்கத் தீர்மானம் கொண்டு வர எதிர்க்கட்சிகள் திட்டமிட்டுள்ளன.

- 

புது தில்லி, ஆக. 18:

இது தொடர்பாக நாடாளுமன்ற வளாகத்தில் உள்ள மாநிலங்களவை எதிர்க்கட்சித் தலைவரும் காங்கிரஸ் தேசிய தலைவருமான மல்லிகார்ஜுன கார்கே அறையில் எதிர்க்கட்சி எம்.பி.க்கள் திங்கள்கிழமை ஒன்று கூடி ஆலோசனை மேற்கொண்டனர்.

வாக்காளர் பட்டியல் சிறப்பு தீவிர திருத்தம் மற்றும் வாக்கு திருட்டு தொடர்பான எதிர்க்கட்சிகள் எழுப்பி வரும் கேள்விகளுக்கு தில்லியில் ஞாயிற்றுக்கிழமை நடைபெற்ற பத்திரிகையாளர் சந்திப்பில் எந்தவித பதிலையும் தலைமைத் தேர்தல் ஆணையர் அளிக்காததைத் தொடர்ந்து இந்த உடன்பாடு எட்டப்பட்டுள்ளதாகவும் எதிர்க்கட்சி எம்.பி.க்கள் தெரிவித்தனர்.