மக்களவையில் ஆவணங்களைக் கிழித்து வீசிய எதிர்க்கட்சிகள்

மாநிலங்களவையில் வெளிநடப்பு

- 

புது தில்லி, ஆக. 12: பிகார் வாக்காளர் பட்டியல் சிறப்பு தீவிர திருத்தத்துக்கு எதிராக மக்களவையில் செவ்வாய்க்கிழமை கடும் அமளியில் ஈடுபட்ட எதிர்க்கட்சிகள், ஆவணங்களை கிழித்து அவைத்தலைவரை நோக்கி வீசினர்.

மாநிலங்களவையிலும் அமளியில் ஈடுபட்ட எதிர்க்கட்சிகள், பின்னர் வெளிநடப்பு செய்தனர்.

நடப்பு நாடாளுமன்ற மழைக்கால கூட்டத் தொடர் கடந்த ஜூலை 21-ஆம் தேதி தொடங்கியதில் இருந்தே பிகார் வாக்காளர் பட்டியல் விவகாரம் எதிரொலித்து வருகிறது. சிறப்பு தீவிர திருத்தம் குறித்து விவாதம் நடத்துவதுடன், இந்த நடவடிக்கையை தேர்தல் ஆணையம் வாபஸ் பெற வேண்டும் என்று எதிர்க்கட்சிகள் தொடர்ந்து குரலெழுப்பி வருகின்றன.

மக்களவை செவ்வாய்க்கிழமை காலை 11 மணியளவில் கூடியதும், இந்த விவகாரத்தை முன்வைத்து, எதிர்க்கட்சிகள் அமளியில் ஈடுபட்டதால் அடுத்தடுத்து மூன்று முறை அவை ஒத்திவைக்கப்பட்டது.