வெற்றிக் கூட்டணி அமைப்பேன்: ராமதாஸ்

சட்டப்பேரவைத் தேர்தலில் வெற்றிக் கூட்டணி அமைப்பேன்; யாருடன் கூட்டணி என்பது குறித்து ஆகஸ்ட் 17-ஆம் தேதி நடைபெறும் பொதுக்குழுவில் முடிவு செய்யப்படும் என்று பாமக நிறுவனர் ராமதாஸ் தெரிவித்தார்.

- 

மயிலாடுதுறை, ஆக. 10:

மயிலாடுதுறை மாவட்டம், பூம்புகாரில் பாமக மற்றும் வன்னியர் சங்கம் சார்பில் வன்னியர் மகளிர் பெருவிழா மாநாடு ஞாயிற்றுக்கிழமை நடைபெற்றது. மாநாட்டுக்கு தலைமை வகித்து ராமதாஸ் பேசியதாவது: ஜாதிவாரி கணக்கெடுப்பு மற்றும் வன்னியர்களுக்கு 10.5 சதவீத இடஒதுக்கீட்டை தமிழக முதல்வர் உடனடியாக நிறைவேற்ற வேண்டும். இதற்காக மிகப் பெரிய போராட்டத்தை நடத்தத் தயாராக உள்ளோம். ஜாதிவாரி கணக்கெடுப்பு நடத்தினால் தமிழகத்தில் உள்ள 320 சமுதாய மக்களின் நிலை தெரியவரும்.