மரண தண்டனையிலிருந்து நிமிஷாவை காக்க தொடர் முயற்சிகள்

உச்சநீதிமன்றத்தில் மத்திய அரசு

- 

புது தில்லி, ஜூலை 18: யேமன் நாட்டில் மரண தண்டனையிலிருந்து இந்திய செவிலியர் நிமிஷா பிரியாவைக் காப்பதற்கு சாத்தியமான அனைத்து முயற்சிகளையும் தொடர்ந்து மேற்கொண்டுள்ளதாக உச்சநீதிமன்றத்தில் மத்திய அரசு வெள்ளிக்கிழமை தெரிவித்தது.

நிமிஷாவுக்கு கடந்த ஜூலை 16-ஆம் தேதி நிறைவேற்றப்படவிருந்த மரண தண்டனை நிறுத்தி வைக்கப்பட்டது என்றும் நீதிமன்றத்தில் மத்திய அரசுத் தரப்பில் தெரிவிக்கப்பட்டது.

கேரளத்தின் பாலக்காடு மாவட்டத்தைச் சேர்ந்த 38 வயது செவிலியரான நிமிஷா பிரியா, கடந்த 2017-இல் யேமன் தலைநகர் சனாவில் அந்த நாட்டைச் சேர்ந்த தனது தொழில் பங்குதாரர் தலால் அப்து மஹதியை கொலை செய்த வழக்கில் குற்றவாளியாக அறிவிக்கப்பட்டார். இவ்வழக்கில் நிமிஷாவுக்கு மரண தண்டனை விதிக்கப்பட்டது. கடந்த 2023-இல் அவரது இறுதி மேல்முறையீடு தள்ளுபடி செய்யப்பட்டதைத் தொடர்ந்து, கடந்த ஜூலை 16-ஆம் தேதி மரண தண்டனை நிறைவேற்றப்படவிருந்தது.