இஸ்ரோ முன்னாள் தலைவர் கே.கஸ்தூரிரங்கன் மறைவு

இந்திய விண்வெளி ஆய்வு நிறுவனத்தின் (இஸ்ரோ) முன்னாள் தலைவரும், தேசிய கல்விக் கொள்கையின் தலைவருமான கே.கஸ்தூரி ரங்கன் (84) உடல்நலக் குறைவால் வெள்ளிக்கிழமை காலமானார்.

- 

பெங்களூரு, ஏப். 25: இந்திய விண்வெளி ஆய்வு நிறுவனத்தின் (இஸ்ரோ) முன்னாள் தலைவரும், தேசிய கல்விக் கொள்கையின் தலைவருமான கே.கஸ்தூரி ரங்கன் (84) உடல்நலக் குறைவால் வெள்ளிக்கிழமை காலமானார்.

கடந்த சில மாதங்களாக உடல்நலக் குறைவால் பாதிக்கப்பட்டு வீட்டில் இருந்தபடியே சிகிச்சை பெற்று வந்தார். இந்நிலையில், வெள்ளிக்கிழமை காலை சிகிச்சை பலனின்றி கே. கஸ்தூரிரங்கன் காலமானார். அவருக்கு 2 மகன்கள் உள்ளனர்.

பெங்களூரில் உள்ள ராமன் ஆராய்ச்சி மையத்தில் ஏப். 27ஆம் தேதி பொதுமக்கள் அஞ்சலிக் காக அவரது உடல் வைக்கப்பட்டு இருக்கும் என்று அவரது குடும்பத்தினர் தெரிவித்தனர்.