தேர்தல் ஆணையம் பதிலளிக்க மேலும் 3 வாரம் அவகாசம்

விதிமுறைகளில் திருத்தம்

- 

புது தில்லி, ஏப். 18: தேர்தல் நடத்தை விதிமுறைகள் திருத்தங்களுக்கு எதிராக தாக்கல் செய்யப்பட்ட மனுக்கள் மீது பதிலளிக்க தேர்தல் ஆணையத்துக்கு உச்சநீதிமன்றம் மேலும் 3 வார கால அவகாசம் வழங்கியுள்ளது.

தேர்தல் தொடர்பான கண்காணிப்பு கேமரா காட்சிகள், இணையவழி ஒளிபரப்பு காட்சிகள், வேட்பாளர்கள் தொடர்புடைய விடியோ பதிவுகள் உள்ளிட்ட மின்னணு ஆவணங்களை பொது மக்கள் பெறுவதில் கட்டுப்பாடு விதித்து, 1961-ஆம் ஆண்டின் தேர்தல் நடத்தை விதி எண் 93-இல் கடந்த ஆண்டு டிசம்பரில் திருத்தம் மேற்கொள்ளப்பட்டது. தேர்தல் ஆணைய பரிந்துரையை ஏற்று, மத்திய சட்ட அமைச்சகம் இத்திருத்தத்தை மேற்கொண்டது.