நாகர்கோவிலில் இருந்து சாமிதோப்புக்கு அய்யா பக்தர்கள் ஊர்வலம்

அய்யா வைகுண்டர் 193 ஆவது அவதார தினத்தை முன்னிட்டு, நாகர்கோவிலில் இருந்து சாமிதோப்பு தலைமைப்பதிக்கு ஆயிரக்கணக்கான பக்தர்கள் செவ்வாய்க்கிழமை ஊர்வலமாக புறப்பட்டுச் சென்றனர்.

- 

நாகர்கோவில், மார்ச் 4: அய்யா வைகுண்டர் 193 ஆவது அவதார தினத்தை முன்னிட்டு, நாகர்கோவிலில் இருந்து சாமிதோப்பு தலைமைப்பதிக்கு ஆயிரக்கணக்கான பக்தர்கள் செவ்வாய்க்கிழமை ஊர்வலமாக புறப்பட்டுச் சென்றனர்.

செவ்வாய்க்கிழமை காலை 5.30 மணிக்கு அய்யாவழி பக்தர்களின் ஊர்வலம் புறப்பட்டது. சாமிதோப்பு தலைமைப்பதி பூஜிதகுரு பாலபிரஜாபதி அடிகளார் தலைமை வகித்தார். ராஜவேல், பாலஜனாதிபதி, பையன் கிருஷ்ண நாமமணி, பையன் அம்ரிஷ் செல்லா, பையன் கவுதம் ராஜா, பையன் செல்லவடிவு ஆகியோர் முன்னிலை வகித்தனர்.