இலங்கைக் கடற்படையினரால் ராமேசுவரம் மீனவர்கள் 32 பேர் கைது

கச்சத்தீவு அருகே 5 விசைப் படகுகளில் மீன்பிடித்துக் கொண்டிருந்த ராமேசுவரம் மீனவர்கள் 32 பேரை இலங்கைக் கடற்படையினர் சனிக்கிழமை நள்ளிரவு கைது செய்தனர்.

- 

ராமேசுவரம், பிப். 23:

ராமநாதபுரம் மாவட்டம், ராமேசுவரத்திலிருந்து 478 விசைப் படகுகளில் 3,000-க்கும் மேற்பட்ட மீனவர்கள் மீன் வளம், மீனவர் நலத் துறை அனுமதி பெற்று, சனிக்கிழமை கடலுக்குள் மீன்பிடிக்கச் சென்றனர்.

இவர்கள் சனிக்கிழமை நள்ளிரவு கச்சத்தீவு அருகே மீன் பிடித்துக் கொண்டிருந்தனர். அப்போது, அங்கு வந்த இலங்கைக் கடற்படையினர் தாக்குதல் நடத்தி மீன் பிடிக்கவிடாமல் விரட்டியடித்தனர். மேலும், மீனவ சங்கத் தலைவர் ஜேசு ராஜாவுக்குச் சொந்தமான இரண்டு விசைப் படகுகள், யாகுலம், அந்தோணி மாண்ரோ, ஜெயபிரகாஷ் ஆகியோருக்குச் சொந்தமான 5 விசைப் படகுகளைப் பறிமுதல் செய்தனர்.