பெங்களூரு கூட்ட நெரிசல் சம்பவம்: சித்தராமையா பதவி விலக வேண்டும்

பெங்களூரு கூட்டநெரிசல் சம்பவத்துக்கு பொறுப்பேற்று, கர்நாடக முதல்வர் சித்தராமையா, துணை முதல்வர் டி.கே.சிவகுமார் ஆகியோர் பதவி விலக வேண்டும் என்று மத்திய தொழிற்துறை அமைச்சர் எச்.டி.குமாரசாமி தெரிவித்தார்.

- 

பெங்களூரு, ஜூன் 7:

இது குறித்து பெங்களூரில் செய்தியாளர்களிடம் அவர் சனிக்கிழமை கூறியதாவது:

பெங்களூரில் ஆர்.சி.பி. வெற்றி கொண்டாட்டத்தில் ஏற்பட்ட கூட்ட நெரிசல் சம்பவத்திற்காக அவசரகதியில் மாநகரக் காவல் ஆணையர் உள்ளிட்ட 5 காவல் துறை அதிகாரிகளை பணியிடை நீக்கம் செய்துள்ளது தேவையற்றது. மாநில அரசின் தவறுக்காக, காவல் துறை அதிகாரிகளை பலிகடாவாக்கினால், அதிகாரிகள் திறம்பட பணியாற்றுவார்களா?