கேரளத்தில் துஷார் காந்தியின் காரை முற்றுகையிட்டு போராட்டம்

கேரளத்தில் ஆர்எஸ்எஸ்ஸுக்கு எதிராக தெரிவித்த கருத்தை திரும்பப் பெற வலியுறுத்தி, மகாத்மா காந்தியின் கொள்ளுப்பேரன் துஷார் காந்தியின் காரை முற்றுகையிட்டு பாஜக-ஆர்எஸ்எஸ் தொண்டர்கள் போராட்டத்தில் ஈடுபட்டதால் பரபரப்பு ஏற்பட்டது.

- 

திருவனந்தபுரம், மார்ச் 13: கேரளத்தில் ஆர்எஸ்எஸ்ஸுக்கு எதிராக தெரிவித்த கருத்தை திரும்பப் பெற வலியுறுத்தி, மகாத்மா காந்தியின் கொள்ளுப்பேரன் துஷார் காந்தியின் காரை முற்றுகையிட்டு பாஜக-ஆர்எஸ்எஸ் தொண்டர்கள் போராட்டத்தில் ஈடுபட்டதால் பரபரப்பு ஏற்பட்டது.

திருவனந்தபுரம் அருகே உள்ள நெய்யாற்றங்கரையில் புதன்கிழமை மாலையில் நடைபெற்ற ஒரு நிகழ்ச்சியில் துஷார் காந்தி பங்கேற்றார். அப்போது பேசிய அவர், 'கேரளத்தில் நீண்ட காலமாக காங்கிரஸ் கூட்டணியும் இடதுசாரி கூட்டணியும் ஒன்றையொன்று எதிர்த்து வருகின்றன. ஆனால், பாஜக-ஆர்எஸ்எஸ் எனும் மிக ஆபத்தான, நயவஞ்சக எதிரி இம்மாநிலத்துக் குள் நுழைந்துள்ளதை உணர்ந்து கொள்ள வேண்டும்.

பாஜகவை வீழ்த்திவிட முடியும். அதேநேரம், ஆர்எஸ்எஸ் விஷம் போன்றது. அது, நாடு முழுவதும் பரவினால், நாம் அனைத்தையும் இழக்க நேரிடும். எனவே, எச்சரிக்கையுடன் இருக்க வேண்டும்.