அமீரகத்தை எளிதாக வென்றது இந்தியா

குல்தீப், துபே அபாரம்

- 

துபை, செப். 10: ஆசிய கோப்பை டி20 கிரிக்கெட் போட்டியின் 2-ஆவது ஆட்டத்தில் இந்தியா 9 விக்கெட்டுகள் வித்தியாசத்தில் ஐக்கிய அரபு அமீரகத்தை புதன்கிழமை வென்றது.

முதலில் அமீரகம் 13.1 ஓவர்களில் 57 ரன்களுக்கே 10 விக்கெட்டுகளையும் பறிகொடுக்க, இந்தியா 4.3 ஓவர்களில் 1 விக்கெட் இழந்து 60 ரன்கள் எடுத்து எளிதாக வெற்றி பெற்றது.

குல்தீப் யாதவ் 4 விக்கெட்டுகள் சாய்த்து அமீரக பேட்டிங் வரிசையை சரிக்க, ஷிவம் துபேவும் அவருக்குத் துணை நின்றார். கடைசி 8 ரன்களுக்குள்ளாகவே, அமீரகம் தனது கடைசி 7 விக்கெட்டுகளை அடுத்தடுத்து இழந்தது.