தகாத உறவால் இரு குழந்தைகளை கொன்ற தாய், இளைஞருக்கு ஆயுள் சிறை

காஞ்சிபுரம் நீதிமன்றம் தீர்ப்பு

- 

காஞ்சிபுரம், ஜூலை 24: தகாத உறவுக்கு இடையூறாக இருந்த இரு குழந்தைகளை கொன்ற தாய்க்கும், அவரது கள்ளக் காதலனுக்கும் ஆயுள் சிறை தண்டனை விதித்து காஞ்சிபுரம் நீதிமன்றம் வியாழக்கிழமை தீர்ப்பளித்துள்ளது.

காஞ்சிபுரம் மாவட்டம், குன்றத்தூரில் மூன்றாம் கட்டளை பகுதியில் வசித்து வந்தவர் விஜய் (30). அந்தப் பகுதியில் வங்கியில் பணிபுரிந்தார். இவரது மனைவி அபிராமி (25). இவர்களது மகன் அஜய் (6), மகள் கார்னிகா (4). அபிராமிக்கும், அதே பகுதியில் பிரியாணி விற்பனை செய்யும் கடையில் பணிபுரிந்த மீனாட்சி சுந்தரம் (25) என்பவருக்கும் பழக்கம் ஏற்பட்டு, அவர்களுக்குள் தகாத உறவு இருந்துள்ளது.