நடிகர் மிதுன் சக்கரவர்த்தி பெயரில் மோசடி: ஹரியாணா மாநில இளைஞர் கைது

நடிகர் மிதுன் சக்கரவர்த்தி பெயரில் நீலகிரி மாவட்டம், உதகையில் உள்ள அவரது நட்சத்திர ஹோட்டல் மேலாளருக்கு வாட்ஸ் ஆப் செயலி மூலம் குறுஞ்செய்தி அனுப்பி ரூ. 20 லட்சம் மோசடி செய்த வழக்கில் தேடப்பட்டு வந்த ஹரியாணா மாநில இளைஞரை உதகை சைபர் கிரைம் போலீஸார் அண்மையில் கைது செய்தனர்.

- 

உதகை, ஜூன் 17:

மேற்குவங்க மாநிலம், கொல்கத்தாவை சேர்ந்தவர் பிரபல நடிகர் மிதுன் சக்கரவர்த்தி. இவருக்கு சொந்தமாக நீலகிரி மாவட்டம் உதகையில் நட்சத்திர ஹோட்டல் உள்ளது. இவரது ஹோட்டல் மேலாளரின் வாட்ஸ் ஆப் எண்ணுக்கு நடிகர் மிதுன் சக்கரவர்த்தி பெயரில் கடந்த ஜனவரி 13-ஆம் தேதி குறுஞ்செய்தி வந்துள்ளது. அதில், குன்னூரில் முக்கிய பணியில் உள்ளேன்; நான் இருக்கும் இடத்தில் கைப்பேசி சிக்னல் பிரச்னை உள்ளது; வங்கிக் கணக்குகளில் எவ்வளவு பணம் உள்ளது என குறிப்பிடப்பட்டிருந்தது.