செப்.17 முதல் வைணவ கோயில்களுக்கு சுற்றுலா

தமிழ்நாடு சுற்றுலா வளர்ச்சிக் கழகம் சார்பில் புரட்டாசி மாதத்தில் வைணவ கோயில்கள் சுற்றுலா செப்.17-ஆம் தேதி முதல் இயக்கப்படும் என சுற்றுலாத் துறை அமைச்சர் இரா.ராஜேந்திரன் தெரிவித்தார்.

- 

சென்னை, ஆக. 27: இதுகுறித்து அவர் வெளியிட்ட செய்திக் குறிப்பு:

தமிழ்நாடு சுற்றுலா வளர்ச்சிக் கழகம் சார்பில் ஆன்மிக சுற்றுலாப் பயணிகள் பயன்பெறும் வகையில் சென்னை, மதுரை, திருச்சி மற்றும் தஞ்சாவூர் ஆகிய நகரங்களில் உள்ள பிரசித்த பெற்ற பெருமாள் கோயில்களை தரிசனம் செய்யும் வகையில் காலை 8.30 மணி முதல் இரவு 8.30 மணி வரை ஒரு நாள் புரட்டாசி பெருமாள் கோயில்கள் தொகுப்பு சுற்றுலா செப்.17 முதல் புதன், சனி, ஞாயிற்றுக்கிழமைகளில் இயக்கப்படும்.

சென்னை முதல்கட்ட திருக்கோயில் சுற்றுலா: சென்னை திருவல்லிகேணி சுற்றுலா வளர்ச்சிக் கழக வளாகத்தில் இருந்து காலை 8.30 மணிக்கு புறப்பட்டு, திருவல்லிகேணி அருள்மிகு பார்த்தசாரதி கோயில், பெசன்ட் நகர் அருள்மிகு அஷ்டலஷ்மி கோயில், திருவிடந்தை அருள்மிகு நித்தியகல்யாண பெருமாள் கோயில், மாமல்லபுரம் அருள்மிகு ஸ்தல சயன பெருமாள் கோயில், சிங்கபெருமாள் கோயில் அருள்மிகு பாடலாத்ரி நரசிம்மர் கோயில், திருநீர்மலை அருள்மிகு நீர்வண்ணப் பெருமாள் கோயில் உள்ளிட்ட கோயில்களுக்கு சுற்றுலாவுக்கான கட்டணம் ரூ.1,000.