நம்பகத்தன்மையை இழக்கும் இஸ்ரேல்!

போர் விதிமுறைகளையும், சர்வதேச சட்டத்தையும் பின்பற்றும் ஜனநாயக நாடு என்று இஸ்ரேல் தம்மைக் கூறி வரும் நிலையில், காஸா போர் காரணமாக சர்வதேச அளவில் அந்நாட்டின் பெயருக்கு களங்கம் ஏற்பட்டுள்ளது.

- 

பெர்த்/டெல் அவிவ், ஆக.12:

காஸாவை முழுமையாக கைப்பற்றும் இஸ்ரேல் பிரதமர் பெஞ்சமின் நெதன்யாகுவின் திட்டம், அந்தப் பகுதியில் அதிகரித்து வரும் பட்டினி கொடுமை, பாலஸ்தீனத்துக்குச் சொந்தமான மேற்குக் கரையில் இஸ்ரேல் மேற்கொள்ளும் அடக்குமுறைகள் ஆகியவை இஸ்ரேலுக்கு ஏற்பட்டுள்ள தர்மசங்கடமான சூழலை எடுத்துரைக்கிறது.

அமெரிக்காவின் ஆதரவு உள்ளபோதிலும், யூதர்களின் நாடான இஸ்ரேல் மீதான நம்பகத்தன்மை தற்போது கேள்விக்குறியாகி வருகிறது. இதில் இருந்து அந்நாட்டால் நீண்ட காலத்துக்கு மீண்டுவர முடியாது.

இஸ்ரேலுக்கு எதிரான கண்ணோட்டத்தை கொண்டிருப்பதாக தெரிவித்துள்ளனர்.

போர் குற்றங்கள் மற்றும் மனிதகுலத்துக்கு எதிரான குற்றங்களில் ஈடுபட்டதாக இஸ்ரேல் பிரதமர் பெஞ்சமின் நெதன்யாகு, அந்நாட்டு முன்னாள் பாதுகாப்பு அமைச்சர் யோவாவ் காலன்ட் ஆகியோருக்கு எதிராக சர்வதேச குற்றவியல் நீதிமன்றம் கைது ஆணை பிறப்பித்துள்ளது. காஸாவில் இஸ்ரேல் இனப்படுகொலையில் ஈடுபட்டு வருவதாக பல சர்வதேச சட்ட வல்லுநர்கள், இனப்படுகொலை குறித்து ஆய்வு செய்யும் அறிஞர்கள், மனித உரிமை குழுவினர் குற்றஞ்சாட்டியுள்ளனர்.

நெதன்யாகு அரசின் நடவடிக்கைகள் மீது இஸ்ரேலுக்கு உள்ளும், வெளியிலும் கடுமையான விமர்சனங்கள் எழுந்துள்ளன. அவ்வாறு விமர்சித்தவர்களில் அந்நாட்டு முன்னாள் பிரதமர்கள் ஏவுத் ஓல்மர்ட், ஏவுத் பராக் ஆகியோரும் அடங்குவர். அத்துடன் காஸாவுடனான போரை நிறுத்த நெதன்யாகுவுக்கு அழுத்தம் அளிக்குமாறு அமெரிக்க அதிபர் டிரம்ப்புக்கு நூற்றுக்கணக்கான ஓய்வுபெற்ற இஸ்ரேல் பாதுகாப்புப் படை அதிகாரிகள் கோரிக்கை விடுத்துள்ளனர்.