வழிபாடு செய்வது மட்டுமே ஆன்மிகம் இல்லை

ஆன்மிகம் என்பது வழிபாடு செய்வது மட்டும் கிடையாது. நமக்குள் இருக்கும் பகவானின் சக்தி வெளிப்படுவதே ஆன்மிகம் என்றார் அகில உலக ராமகிருஷ்ண மடத்தின் தலைவர் ஸ்ரீமத் சுவாமி கௌதமானந்த மகராஜ்.

- 

தஞ்சாவூர், ஆக. 29:

தஞ்சாவூர் புன்னைநல்லூர் மாரியம்மன் கோயில் அருகேயுள்ள ராமகிருஷ்ண மடத்தின் கிராம மையத்தில் ஆறாம் ஆண்டு விழாவின் நிறைவு நாளான வெள்ளிக்கிழமை மாலை நடைபெற்ற நிகழ்ச்சியில் அவர் மேலும் பேசியது:

உலக வாழ்க்கையில் குடும்பம் மற்றும் சமூகப் பொறுப்புகள் உண்டு. அதையும் ஏற்று வாழ்க்கையின் உண்மையான லட்சியமான இறைவனைப் பார்க்கும் முயற்சியையும் செய்ய வேண்டும். இதுதான் ஸ்ரீராமகிருஷ்ணர் சொல்லும் செய்தி. பகவானைப் பார்த்த பிறகுதான் நமக்கு உண்மையான எல்லையற்ற ஆனந்தம் கிடைக்கும்.