கார்ல்சனை மீண்டும் வீழ்த்தினார் பிரக்ஞானந்தா

அர்ஜுனுடன் காலிறுதிக்கு முன்னேறினார்

- 

லாஸ் வேகஸ், ஜூலை 17: அமெரிக்காவில் நடைபெறும் ஃப்ரீஸ்டைல் செஸ் கிராண்ட்ஸ்லாம் டூர் போட்டியில் இந்தியாவின் ஆர்.பி ரக்ஞானந்தா, உலகின் நம்பர் 1 வீரரான நார்வேயின் மேக்னஸ் கார்ல்செனை வீழ்த்தினார்.

பிரக்ஞானந்தாவும், சக இந்தியரான அர்ஜுன் எரிகைசியும் இப்போட்டியில் பிரதான நிலை காலிறுதிச் சுற்றுக்கு முன்னேறி, சாம்பியனாவதற்கான போட்டியில் உள்ளனர்.

பிரக்ஞானந்தா வெவ்வேறு போட்டிகளிலுமாக கார்ல்செனை வென்றது இது 3-ஆவது முறையாகும். நடப்பு உலக சாம்பியனான இந்தியாவின் டி.குகேஷ், அண்மையில் இருவேறு போட்டிகளில் கார்ல்செனை அடுத்தடுத்து வீழ்த்திய நிலையில், தற்போது பிரக்ஞானந்தாவும் அவரை சாய்த்துள்ளது குறிப்பிடத்தக்கது.