விவசாயிகள் முன்வைக்காத கோரிக்கைகளும் நிறைவேற்றப்படும்

விவசாயிகள் முன்வைக்காத கோரிக்கைகளும் நிறைவேற்றப்படும் என அதிமுக பொதுச் செயலாளர் எடப்பாடி பழனிசாமி தெரிவித்தார்.

- 

கோவை, ஜூலை 7: விவசாயிகள் முன்வைக்காத கோரிக்கைகளும் நிறைவேற்றப்படும் என அதிமுக பொதுச் செயலாளர் எடப்பாடி பழனிசாமி தெரிவித்தார்.

மக்களைக் காப்போம் - தமிழகத்தை மீட்போம்' பிரசார சுற்றுப்பயணத்தின் தொடக்க விழாவில் பங்கேற்பதற்காக கோவை மாவட்டம், மேட்டுப்பாளையத்துக்கு வந்த எடப்பாடி பழனிசாமி காலையில் வனபத்ர காளியம்மன் கோயிலில் வழிபட்டார். பின்னர், தேக்கம்பட்டியில் உள்ள ஒரு திருமண மண்டபத்தில் விவசாயிகள், நெசவாளர்கள், செங்கல்சூளை உரிமையாளர்கள் உள்ளிட்டோருடன் கலந்துரையாடினார்.

இந்தக் கூட்டத்தில் விவசாயிகள் சங்கத்தின் பிரதிநிதிகள் பேசும்போது, கோவை மாவட்டத்தில் வன விலங்குகள் பிரச்னைக்குத் தீர்வு காணவேண்டும். அத்திக்கடவு-அவிநாசி இரண்டாம் கட்ட திட்டத்தை நிறைவேற்ற வேண்டும் என்று வலியுறுத்தினர். நெசவாளர் சங்கங்களின் பிரதிநிதிகள் பேசும்போது, நெசவாளர்களுக்கு கூலி முறையாக கிடைக்க வேண்டும், மருத்துவக்காப்பீடு வழங்கவும், ஓய்வூதியம் உயர்த்தவும் நடவடிக்கை எடுக்க வேண்டும். நெசவுத்தொழிலுக்கு ஜிஎஸ்டி வரியை ரத்து செய்ய வேண்டும் என்றனர்.