கோட்டாட்சியர்போல நடித்து வங்கி அதிகாரியை ஏமாற்றி திருமணம்

கோட்டாட்சியர்போல நடித்து, வங்கி அதிகாரியை ஏமாற்றி திருமணம் செய்த இளம்பெண்ணை போலீஸார் வியாழக்கிழமை கைது செய்தனர்.

- 

நாமக்கல், ஜூன் 26:

நாமக்கல் மாவட்டம், திருச்செங்கோடு வட்டம், பெரியமணலி குளத்துக்காடு பகுதியைச் சேர்ந்தவர் நவீன்குமார் (29).

இவர் வியாழக்கிழமை நாமக்கல் மாவட்ட குற்றப்பிரிவு அலுவலகத்தில் அளித்த புகார் மனு:

நாமக்கல் அருகே வரகூராம்பட்டியில் உள்ள கனரா வங்கியில் அதிகாரியாக பணியாற்றி வருகிறேன். எனது குடும்பத்தினர் எனக்கு திருமணம் செய்ய கொங்குநாடு திருமண தகவல் மையத்தில் 2022 பிப். 16-இல் பதிவு செய்தனர்.

அதே திருமண தகவல் மையத்தில், நாமக்கல் இராமாபுரம்புதூரைச் சேர்ந்த ரவீந்திரன் என்பவர் தனது மகள் தன்வர்த்தினி (29) என்பவருக்கு வரன் வேண்டி பதிவு செய்திருந்தார்.

அதில், தன்வர்த்தினி கோட்டாட்சியர் என பதிவு செய்திருந்தது.

இரு தரப்பிலும் ஜாதகப் பொருத்தம் பார்த்ததன்பேரில் திருமண ஏற்பாடுகள் நடைபெற்றன.

தன்வர்த்தினி.

அதைத் தொடர்ந்து, 2024 ஜூன் 12-ஆம் தேதி வையம்பாளையத்தில் முறைப்படி இருவருக்கும் திருமணம் நடைபெற்றது.