போதைப் பொருள் வழக்கு: நடிகர் கிருஷ்ணாவிடம் விசாரிக்க முடிவு

கேரளம் விரைந்தது தனிப்படை

- 

சென்னை, ஜூன் 24: சென்னையில் போதைப் பொருள் வழக்கில் நடிகர் ஸ்ரீகாந்த் கைது செய்யப்பட்டுள்ள நிலையில், போதைப் பொருள் வழக்கில் தொடர்புடையதாகக் கூறப்படும் நடிகர் கிருஷ்ணாவிடம் விசாரிக்கவும் போலீஸார் முடிவு செய்துள்ளனர்.

அவர் கேரள மாநிலத்தில் படப்பிடிப்பில் உள்ளதால் அங்கு தனிப்படையினர் விரைந்துள்ளனர்.

தமிழ்த் திரைப்பட நடிகர் ஸ்ரீகாந்த் மீது போதைப் பொருள் தடுப்புச் சட்டத்தின் கீழ் போதைப் பொருள் கடத்தியது, போதைப் பொருளைப் பதுக்கியது, போதைப் பொருள் கடத்தலுக்கு உடந்தையாக இருந்தது, போதைப் பொருளை கூட்டாக கடத்தியது என நான்கு பிரிவுகளில் சென்னை நுங்கம்பாக்கம் போலீஸார் வழக்குப் பதிந்து விசாரணை செய்தனர்.

போலீஸார் நடத்திய 10 மணி நேர விசாரணையில் ஸ்ரீகாந்த் அளித்த வாக்குமூலம் விவரம்: 'தீங்கிரை' படத்தை தயாரித்த அதிமுக தகவல் தொழில்நுட்ப பணி முன்னாள் நிர்வாகி பிரசாத் மூலம் கொகைன் போதைப் பொருள் எனக்குப் பழக்கமானது. அவர் எனக்கு தீங்கிரை திரைப்படத்தில் நடித்ததற்காக ரூ.10 லட்சம் சம்பளம் தர வேண்டியிருந்தது.