தவெக கல்வி விருது வழங்கும் விழா நிறைவு: 1,500-க்கும் மேற்பட்ட மாணவர்களுக்கு ஊக்கத் தொகை

பொதுத் தேர்வுகளில் அதிக மதிப்பெண் பெற்ற மாணவர்களுக்கு, தவெக சார்பில் கல்வி ஊக்கத் தொகை வழங்கும் நிகழ்வின் கடைசி நிகழ்ச்சி ஞாயிற்றுக்கிழமை நடைபெற்றது.

- 

சென்னை, ஜூன் 15: இதில், கட்சித் தலைவர் விஜய் பங்கேற்று, 200-க்கும் மேற்பட்ட மாணவர்களுக்கு ஊக்கத் தொகைகளையும் சான்றிதழ்களையும் வழங்கிப் பாராட்டினார்.

இந்த நிகழ்வின் மூலம், 4 கட்டங்களாக 1,500-க்கும் மேற்பட்ட மாணவர்களுக்கு ஊக்கத் தொகை வழங்கப்பட்டுள்ளது. தமிழ்நாடு மற்றும் புதுச்சேரியில் 10 மற்றும் பிளஸ் 2 பொதுத் தேர்வுகளில் தொகுதிகள் வாரியாக அதிக மதிப்பெண்கள் பெற்ற மாணவ, மாணவிகளை ஊக்குவிக்கும் விதமாக தவெக சார்பில் கல்வி விருதுகள் ஆண்டுதோறும் வழங்கப்பட்டு வருகின்றன.