தென் கொரிய அதிபர் ஆகிறார் லீ ஜே-மியூங்

தென் கொரியாவில் நடைபெற்ற அதிபர் தேர்தலில் ஜனநாயகக் கட்சித் தலைவர் லீ ஜே-மியூங் (படம்) வெற்றி பெற்றார்.

- 

சியோல், ஜூன் 3:

தேர்தல் ஆணையம் வெளியிட்டுள்ள தரவுகளின்படி, 98.1 சதவீத வாக்குகள் எண்ணப்பட்டுள்ள நிலையில் லீ ஜே-மியூங் 49.20 சதவீத வாக்குகளைப் பெற்று முன்னிலை வகிக்கிறார். அவருக்கு அடுத்தபடியாக, மக்கள் சக்திக் கட்சித் தலைவர் கிம் மூன்-சூவுக்கு 41.46 சதவீத வாக்குகள் கிடைத்துள்ளன. இனி ஜே-மியூங்கை மூன்-சூ விஞ்ச முடியாது என்ற நிலை ஏற்பட்டுள்ளதால் தேர்தலில் ஜே-மியூங் வெற்றி உறுதியாகியுள்ளது.