மீண்டும் மாநிலப் பட்டியலில் கல்வி

திமுக பொதுக்குழுவில் தீர்மானம்

- 

மதுரை, ஜூன் 1: கல்வியை மீண்டும் மாநிலப் பட்டியலின் கீழ் கொண்டு வர வேண்டும் என்பது உள்பட 27 தீர்மானங்கள் திமுக மாநில பொதுக்குழு கூட்டத்தில் நிறைவேற்றப்பட்டன.

மதுரை உத்தங்குடியில் கலைஞர் அரங்கத்தில் திமுக மாநிலப் பொதுக்குழு கூட்டம் ஞாயிற்றுக்கிழமை நடைபெற்றது. இந்தக் கூட்டத்துக்கு அந்தக் கட்சியின் தலைவரும், தமிழக முதல்வருமான மு.க.ஸ்டாலின் தலைமை வகித்தார். முன்னதாக, மாட்டுத்தாவணி பேருந்து நிலையத்திலிருந்து வாகனப் பேரணியாக வந்த முதல்வர் மு.க.ஸ்டாலினுக்கு சாலையின் இருபுறங்களிலும் நின்று திமுக தொண்டர்கள், பொதுமக்கள் உற்சாக வரவேற்பளித்தனர்.

இதைத்தொடர்ந்து, கூட்ட நிகழ்விடத்துக்கு வந்த முதல்வர் மு.க.ஸ்டாலின் அங்கு அமைக்கப்பட்டிருந்த நூறு அடி உயரக் கம்பத்தில் கட்சிக் கொடியை ஏற்றினார்.

இதன் பின்னர் நடைபெற்ற கூட்டத்தில் கல்வியை மீண்டும் மாநிலப் பட்டியலின் கீழ் கொண்டு வர வேண்டும் என்பது உள்பட 27 தீர்மானங்கள் நிறைவேற்றப்பட்டன.

தீர்மானங்களின் விவரங்கள்:

மறைந்த முன்னாள் முதல்வர் கருணாநிதி பிறந்த நாள் (ஜூன் 3) செம்மொழி நாளாகக் கொண்டாடப்பட வேண்டும். மக்களின் பேராதரவுடன் தொடர் வெற்றி நாயகனாகத் திகழும் திமுக தலைவரும், முதல்வருமான ஸ்டாலினுக்கு இந்தப் பொதுக்குழு மூலம் பாராட்டுக்கள் தெரிவிக்கப்படுகிறது.