இன்று ‘எலிமினேட்டர்’: குஜராத் – மும்பை பலப்பரீட்சை

ஐபிஎல் போட்டியின் எலிமினேட்டர் ஆட்டத்தில் குஜராத் டைட்டன்ஸ் - மும்பை இண்டியன்ஸ் அணிகள் வெள்ளிக்கிழமை மோதுகின்றன.

- 

முலான்பூர், மே 29:

இந்த ஆட்டத்தில் வெல்லும் அணி, இறுதி ஆட்ட வாய்ப்புகாக குவாலிஃபயர் 2 ஆட்டத்துக்கு செல்லும். தோற்கும் அணி, போட்டியிலிருந்து வெளியேறும்.

5 முறை சாம்பியன் மும்பையும், அறிமுக சீசனிலேயே சாம்பியனாகி கடந்த 4 சீசன்களில் 3 முறை பிளே ஆஃபுக்கு வந்த குஜராத்தும், இந்த நாக் அவுட் ஆட்டத்துக்கு ஏற்கெனவே பழக்கப்பட்டவையாகும்.

குஜராத் அணியைப் பொருத்தவரை, நிலையான முன்னேற்றம் கண்டு, பிளே ஆஃப் வாய்ப்பை உறுதி செய்துள்ளது. ஆனால், கடைசி இரு லீக் ஆட்டங்களில் தோற்று தனது உத்வேகத்தில் தடுமாற்றத்தை சந்தித்ததால், எலிமினேட்டர் கட்டத்துக்கு தள்ளப்பட்டுள்ளது.